Rasmiy hamkor
Sub-hamkor yoki vositachi emas. Shartnoma № 2023-3501 asosida to'g'ridan-to'g'ri ishlaymiz va murakkab masalada МойСклад muhandislariga o'zimiz murojaat qilamiz.
Joriy etish
МойСклад o'rnatish va joriy etish
Ro'yxatdan o'tish bepul va besh daqiqa vaqt oladi. Tizimning haqiqatan ishlashi esa — katalog, ombor, kassa, integratsiyalar va o'qitilgan jamoa degani. Biz aynan shu qismini bajaramiz.
МойСклад o'rnatish nima degani va u qancha vaqt oladi?
МойСклад o'rnatish — bu akkaunt ochish emas, balki biznesingizning real jarayonlarini tizimga ko'chirish. Ishga tayyor tizim quyidagilarni o'z ichiga oladi: to'g'ri tuzilgan tovar katalogi, sozlangan omborlar va qoldiqlar, kelishilgan va mosligi tekshirilgan integratsiyalar, xodimlar uchun rollar va huquqlar, hamda kerakli hisobotlar.
O'zbekistonda odatdagi muddat: bitta do'kon uchun 1 hafta, bir nechta filial uchun 2 hafta, murakkab integratsiyalar bilan to'liq kalit topshirish uchun 1 oygacha. OY — МойСклад'ning O'zbekistondagi rasmiy hamkori (sertifikat № 2023-3501), 50 dan ortiq kompaniyani joriy etgan.
Muddatlar yo‘nalish sifatida berilgan; aniq reja ma’lumot sifati, ulanishlar va jamoaning tayyorgarligiga qarab auditda kelishiladi.
«O'rnatish» so'zi aslida nimani anglatadi
Ko'p tadbirkor МойСклад'ga ro'yxatdan o'tadi, bir necha tovar kiritadi va bir haftadan keyin tashlab qo'yadi. Sabab dasturda emas. Sabab shundaki, bo'sh tizim — bu bo'sh Excel bilan bir xil: unga nima solsangiz, shuni qaytaradi.
Joriy etish deganda biz quyidagi ishni tushunamiz — va aynan shuni bajaramiz:
- Katalogni tartibga solish. Tovarlar, variantlar, o'lchov birliklari, shtrix-kodlar, guruhlar. Ko'pincha bu eng ko'p vaqt oladigan qism, chunki eski ro'yxatda bitta tovar uch xil nom bilan yozilgan bo'ladi.
- Qoldiqlarni kiritish. Boshlang'ich inventarizatsiya va har bir ombor bo'yicha real qoldiq. Bundan keyin tizim ko'rsatgan raqamga ishonish mumkin bo'ladi.
- Moliyani ulash. Tannarx, marja, xarajatlar, kassa va bank hisoblari. Sof foyda taxmin qilinmaydi — hisoblanadi.
- Integratsiyalar. Onlayn-kassa, bank, Uzum Market, Wildberries, sayt, Telegram-bot. Batafsil: integratsiyalar sahifasi.
- Rollar va huquqlar. Sotuvchi tannarxni ko'rmaydi, omborchi moliyani ko'rmaydi, siz hammasini ko'rasiz.
- Jamoani o'qitish. Har bir xodim faqat o'ziga kerakli ekranni o'rganadi. Bu bosqichsiz tizim ikki haftada tashlab ketiladi.
Uch bosqich — va har birida nima bo'lishi
-
Ariza va audit
Jarayonlaringizni o'rganamiz: nima sotasiz, necha omborda, qanday hisob yuritasiz, nima og'ritadi. Natijada aniq reja, muddat va o'zgarmas narx olasiz. Bu bosqich hech narsaga majbur qilmaydi.
-
Sozlash va integratsiya
Katalog, omborlar, moliya, kassa, bank va marketpleyslar ulanadi hamda tekshiriladi. Siz faqat savollarga javob berasiz va tasdiqlaysiz — texnik topshiriq yozish sizning ishingiz emas.
-
O'qitish va hamrohlik
Jamoani rollar bo'yicha o'qitamiz va ishga tushgandan keyin ham yoningizda qolamiz. Amaliyot shuni ko'rsatadiki, asosiy savollar birinchi oyda chiqadi.
Muddat nimaga bog'liq
| Biznes ko'lami | Odatdagi muddat | Nima ko'p vaqt oladi |
|---|---|---|
| Bitta do'kon yoki ombor | 1 hafta | Katalogni tartibga solish va boshlang'ich qoldiq |
| 2–5 filial | 2 hafta | Filiallararo ko'chirish, kassa integratsiyasi, bir nechta rol |
| Marketpleys sotuvchisi | 2–3 hafta | Uzum va Wildberries buyurtmalarini sinxronlash, qoldiq nazorati |
| Ishlab chiqarish | 3–4 hafta | Texnologik kartalar va tannarx hisobi |
| To'liq kalit topshirish | 1 oygacha | Eski bazani tozalash, API integratsiyalari, individual shablonlar |
Aniq muddatingiz bo'lsa — masalan, yangi do'kon ochilishi yoki yil boshi — buni birinchi suhbatda ayting. Rejani shunga moslaymiz.
Buni o'zim qila olamanmi?
Ha, ba'zi hollarda qila olasiz — va biz buni yashirmaymiz. Agar sizda bitta savdo nuqtasi, 100–200 ta oddiy tovar, integratsiya ehtiyoji yo'q va bir necha kun bo'sh vaqtingiz bo'lsa, МойСклад'ni o'zingiz sozlashingiz mumkin. Buning uchun bizda kurs va video darslar bor — joriy etishdan ancha arzon.
Mutaxassis qachon kerak bo'ladi
Amaliyotda mustaqil sozlash quyidagi hollarda to'xtab qoladi: 1 000 dan ortiq tovar pozitsiyasi; bir nechta ombor yoki filial; onlayn-kassa yoki bank integratsiyasi; marketpleys buyurtmalari; nasiya savdo hisobi; ishlab chiqarish tannarxi; yoki eski bazada yillar davomida yig'ilgan xato ma'lumotlar.
Bularning ikkitasi ham bo'lsa — mustaqil sozlash odatda bir necha oyga cho'ziladi va yarim yo'lda tashlab qo'yiladi.
Narx qanday shakllanadi
Joriy etish narxi
- Boshlang'ich narx
- $800
- To'liq diapazon
- $800 – $10 000
- Bitta do'kon yoki ombor
- $800 dan
- Bir nechta filial
- $2 000 dan
- To'liq kalit topshirish
- $5 000 dan
- Audit
- Bepul, majburiyatsiz
Narxga to'rt narsa ta'sir qiladi: tovarlar soni, integratsiyalar soni, filiallar soni va o'qitish hajmi. Aylanmangizga qarab narx aytmaymiz — har bir ishning o'z narxi bor va u kelishilgandan keyin o'zgarmaydi. Batafsil: narxlar sahifasi.
Nega joriy etishni bizga ishonasiz
Faqat bitta mahsulot
O'zbekistonda МойСклад'ning bir nechta rasmiy hamkori bor va aksariyati bir vaqtda boshqa tizimlarni ham sotadi. Biz faqat МойСклад bilan ishlaymiz.
O'zbek tilida
Konsultatsiya, o'qitish va qo'llanma o'zbek yoki rus tilida. Xodimlaringiz tarjimonsiz tushunadi.
50 dan ortiq loyiha
Asaxiy, Pepito, Dodo Kids, Uhud va boshqa brendlar bilan ishladik. Mijozlar ro'yxati.
Ko'p so'raladigan savollar
Audit bepul va hech narsaga bog'lamaydi. To'lov shartlari auditdan keyin, ish hajmi aniq bo'lgach kelishiladi.
Yo'q. МойСклад — oylik obuna asosida ishlaydigan bulutli servis va uning to'lovi to'g'ridan-to'g'ri МойСклад'ga to'lanadi. Biz joriy etish ishi uchun haq olamiz. Qaysi tarif sizga yetarli ekanini auditda aytamiz — ko'pincha eng arzon tarifdan boshlash mumkin.
Ha. Excel, 1C yoki boshqa dasturdan tovar katalogi, mijozlar bazasi va qoldiqlarni ko'chiramiz. Ko'chirishdan oldin bazani tozalaymiz — takrorlangan tovarlar va xato yozuvlarni birga ko'rib chiqamiz.
Ha. Joriy etish paketiga ishga tushgandan keyingi texnik yordam kiradi. Savollar odatda birinchi oyda chiqadi va aynan o'sha paytda yoningizda bo'lamiz.
Bu biz eng ko'p eshitadigan savol. Amalda jarayonlarning taxminan 90 foizi o'xshash bo'ladi, qolgani uchun tizimni moslashtiramiz. Agar МойСклад haqiqatan mos kelmasa, buni auditda ochiq aytamiz va vaqtingizni olmaymiz.
Ishga tushirishdan oldin nimani kelishamiz?
Joriy etishdan oldin jarayonlar, mas’uliyat va ish qoidalari kelishiladi. Integratsiyalar aniq kassa, bank va savdo kanali bo‘yicha tekshiriladi; ularning hammasi har bir paketga avtomatik kirmaydi. Taklifda ish hajmi, sinov mezonlari, obunalar va yordam muddati ko‘rsatiladi.
OY maqomini Moyskladning rasmiy hamkorlar profilida tekshiring. Auditga katalog namunasi, omborlar va xodim rollari, mavjud dasturlar va asosiy uchta muammoni tayyorlang.